Waasi DRC tayari kuzungumza na serikali

Kikundi cha wapiganaji wa mashariki mwa Jamhuri ya Demokrasi ya Congo, kiitwacho M23, kmeuteka mji muhimu kwenye mpaka wa Congo na Uganda.

Wakaazi wa Rutshuru walisema wapiganaji hao wa kikundi cha M23, waliingia mjini bila ya kupigana, kwa vile wanajeshi wa serikali na askari wa Umoja wa Mataifa walikuwa wameshaondoka.

Kikundi hicho kimekuwa kikifanya mashambulio katika siku za karibuni, na kusababisha maelfu ya watu kukimbilia Uganda.

Afisa mmoja wa kikundi hicho cha M23, Kanali Vianney Kazarama, aliliambia shirika la habari la Reuters, kwamba wao hawatateka miji mengine iwapo serikali itakubali kuzungumza nao.

Mpiganaji huyo, Kanali Kazarama, piya alikanusha tuhuma za ripoti ya Umoja wa Mataifa, kwamba makundi ya wapiganaji nchini Congo, yanasaidiwa na Rwanda: