KUHUSU MGOMO WA MADAKTARI.

.

Baadhi ya madaktari waliokwenye mafunzo ya vitendo katika hospitali ya taifa Muhimbili wameanza kuondoka kurudi makwao baada ya serikali kuwaamrisha kufanya hivyo kama hawaridhishwi na kiwango cha malipo ya posho wanazopewa.

Wakati Madaktari hao wakiondoka tayari serikali kupitia Wizara ya Afya na ustawi wa jamii imewataka ambao wamepewa barua kuripoti kwa katibu mkuu wa wizara ifikapo july 6 mwaka huu kutokana na kujiingiza kwenye mgomo.

Kuondoka kwa madaktari hao kunadaiwa kuzidisha pengo la utoaji huduma kulikotajwa juzi na mwakilishi wa Madaktari bingwa hospitali ya Taifa Muhimbili Catherine Mng’ong’o wakati akitoa tamko la madaktari bingwa kwamba hawapo tayari kufanya kazi bila madaktari wasaidizi.

Uchunguzi uliofanywa na Clouds Fm umegundua kwamba baadhi ya wagonjwa wameanza kurejea kwenye hospitali ya Muhimbili kupatiwa huduma za matibabu baada ya baadhi ya madaktari kuanza kurejea kazini wakiwemo madaktari wa watoto pamoja na tiba nyingine.