Polisi Uganda wazuia basi la watoto

Suala la Ugonjwa wa kusinzia ambao haujajulikana chanzo chake wala tiba nchiniUganda,sasa limechukua sura mpya baada ya polisi kuzuia basi ambalo lilikuwa linawapeleka watoto 25 mjiniKampala.

Polisi inadai kuwa walikuwa wanapelekwa huko ili kuonyeshwa na kusema hawezi kulikubalihiloilhali mbunge mmoja alieandaa safari hiyo akisema kuwa watoto hao walikuwa wakipelekwa hospitalini.

Serikali inasema kuwa kwa sasa watoto 3,000 ndio wanaugua ugonjwa huo huku takriban 200 kufariki katika eneo la Acholi tangu ujulikane mwaka wa 2009.

Mwandishi wa BBC mjini Kampala Siraj Kalyango anasema mbunge wa wanawake kutoka wilaya ya Kitgum, kaskazini mwa Uganda ,Beatrice Anywar alipanga kuwaleta baadhi ya watoto ambao wanasumbuliwa na ugonjwa wa ajabu wa kusinzia lakini mbao si malale, katika majengo ya bunge mjini Kampala .

Lengo la mpango wake huu anasema ni kulalamikia jinsi serikali imejikokota kushughulikia ugonjwa huo pamoja na kuwasaidia waathirika. Alitaka wananchi na wabunge wenzake waone hali ya watoto hao ilivyo ya kusikitisha.