SHARAPOVA, J4 wa Twanga wafunga ndoa

HATIMAYE mnenguaji wa Bendi ya African Stars ‘Twanga Pepeta International,’ Asha Said ‘Sharapova’ na mpenzi wake wa muda mrefu Jumanne Saidi ‘J4’ ambaye ni muimbaji wa bendi hiyo wamefunga pingu za maisha, Ijumaa lilihudhuria mnuso huo.

Tukio hilo lilichukua nafasi mwishoni mwa wiki iliyopita nyumbani kwa Sharapova, Kawe jijini Dar na kuhudhuriwa na watu kibao wakiwemo ndugu, jamaa na marafiki.

Akizungumza na paparazi wetu baada ndoa hiyo kufungwa, Sharapova alisema anamshukuru Mungu kwa kufanikisha tukio hilo la kihistoria.

“Kwa kweli nina furaha sana kwani wakati naanzana na J4 baadhi ya watu walidhani tulikuwa na lengo la kupotezeana muda tu lakini kwa hili lililofanyika leo, nina kila sababu ya kumshukuru Mungu,” alisema Sharapova.