Nabii atelekeza wake...

Mke wa tatu

NABII aliyesemekana ni wa Kanisa la Mashahidi wa Yehova la Kibamba, jijini Dar, Joseph Buberwa ameingia kwenye skendo ya kudaiwa kutelekeza wake zake wawili na watoto, sasa ameshatoa mahari na yupo mbioni kufunga ndoa na mwanamke mwingine wa tatu aitwaye Sarah (18).

Mke wa pili

Kwa mujibu wa chanzo makini, uamuzi wa nabii huyo unatokana na madai yake kwamba alioteshwa na Mungu kuwapiga chini wake zake hao kwa vipindi viwili tofauti kutokana na matatizo ambayo yangemtokea mbele endapo asingewaacha.
Chanzo hicho kilisema vitendo vya nabii huyo anayeonekana kwenye televisheni moja nchini akitoa neno la Mungu, vimekuwa vikichafua sifa ya unabii wake bila mwenyewe kujua.
Jirani huyo ambaye jina lake tunalihifadhi, alisema awali, nabii huyo alimpiga chini mkewe wa kwanza aitwaye Dina ambaye alibahatika kuzaa naye mtoto mmoja.

Mke wa kwanza

Baada ya kumtosa Dina alimpata mwanamke mwingine aitwaye Riziki ambaye naye alizaa naye watoto wawili lakini baada ya muda na yeye akamuona hafai na kuopoa kifaa cha sasa, Sarah.

Baada ya taarifa hizo, mapaparazi wetu walianza kuutafuta ukweli ambapo walimnasa Riziki kwa njia ya simu.
Mwanamke huyo alikiri kutokea kwa yote hayo ambapo alisema kabla ya kugundua kuwa mumewe amepata mwanamke mwingine alianza tabia ya kulala nje ambapo baadhi ya majirani walimwambia huwa wanamuona na msichana.

Watoto

“Baada ya majirani kunitonya kuwa amepata mpenzi mwingine ambaye amekuwa akionekana akitanua naye sehemu mbalimbali niliwavizia, ndipo siku moja nikiwa na kundi la majirani tulimfuma na Sarah pale Mlimani City,” alisema Riziki.
Akaendelea: “Katika fumanizi hilo, uzalendo ulinishinda hivyo niliwavaa na kutaka kuwafanyia varangati lakini majirani nilioongozana nao walinikamata ndipo wao wakapata upenyo wa kukimbia.”
Kwa mujibu wa uchunguzi, Riziki akiwa kwenye harakati za kumrudisha nyumbani mumewe, Jumapili iliyopita, Nabii Buberwa alikwenda kutoa mahari nyumbani kwa akina Sarah na kuangusha bonge la pati na pombe za kumwaga.
Mapaparazi wetu walimtafuta nabii huyo ambapo alipopatikana alikiri kuwahi kuwa mume wa Dina na kuzaa naye mtoto mmoja kisha kumtosa na kuishi na Riziki ambaye alizaa naye watoto wawili na kumtosa na sasa ameshatoa mahari kwa akina Sarah.
“Ni kweli ndugu waandishi, niliwahi kuishi nao wote hao lakini kwa mujibu wa maono niliyopewa na Mungu, Sarah ndiye mke wangu nitakayefanikiwa katika maisha hivyo Jumapili nilishatoa mahari na hivi karibuni tutafunga ndoa.
Jitihada za kumpata Dina ziligonga mwamba. Aidha, Risasi Jumamosi lilipowasiliana na Kanisa la Mashahidi wa Yehova Makao Makuu, jijini Dar walisema Nabii Buberwa alishawekwa kando na kanisa hilo lakini wamekuwa wakisikia bado anatumia jina lao.